Tommaso Campanella, De sensu rerum, p. 71
computata obiecta, quando simul videmus, audimus, gustamus
et odoramus.
Et quomodo discedere possint formae et redire dicet
nunquam. Siquidem in corpore non
sunt huiusmodi viae et lineae;
neque in potentiis, quoniam sunt affixae externis
organis, a quibus
non recedunt. Nec quomodo centrum simul plura noscat, si
unum
est indivisibileque: minus autem simul. Neque enim lineae plures
ipsum
plurificant; ipse enim iudicat omnia obiecta. Ergo illis informetur
oportet simul,
cum iudicat simul. Et cum indivisibile sit, quomodo
potest? Nec Aphrod. haec anxie disquirens, satisfacit. Nobis
autem facile est ponentibus spiritum
unum corporeum tot rebus simul
in diversis partibus sui immutari, continuatis per
totum corpus:
qui quando totus vel maior pars in aliquo colligitur sensorio,
minor
est in aliis, et aegre sentit, aut aegre functiones caeteras edit.
Caput XVIII.
Animam non esse corporis formam,
sed Dominam et accolam
substantialiter unitam: excepta mente
humana.
~ Praecedentes sermones bene quoque declarant animam sentientem
non esse
actum seu formam corporis organici potentis
opera vitalia edere, veluti definit Aristoteles . Comprobatum
est enim ipsam de sensorio in
sensorium moveri
et de exterioribus ad exteriores partes: Esseque corpoream,
mobilem,
tenuem, non affixam organo, sed intermanentem, sicut multi in
nave
milites, et gentes in domo, et homines in civitate: qui diversis in
officinis,
plateis, aedibus et viis diversas obeunt functiones. Et qui
asserunt
esse actum organici corporis, fatentur corpus esse illius
organum,
sicuti nos. Nullum autem agens principium informat
proprium
instrumentum, sed movet regitque. Ergo non est forma. Et
Aristoteles
hoc fateri cogitur, dum activam virtutem dicit in passivam
causam
prodire tanquam in aliud ab ali, in 9. Metaphys. et alibi non esse idem
agens patiensque saepe clamat. Forma autem unum fit
cum materia,
Ergo unum agens patiensque: quod absurdum illi est, non autem
nobis.
Praeterea corpus distinctum est in ossa, nervos, carnes et
viscera,
totque in membra differentia colore, dispositione, actione,
temperamento,
et difformitate, ita ut nullo pacto uniforme sit, et unica
forma
constare possit. Aqua quidem uniformis est et ignis, et res similares,